နေမကောင်းဖြစ်ခဲ့လျှင်…

နေမကောင်းဖြစ်ခဲ့ရင်
အင်္ကျီအထူကြီးဝတ်ပြီး အခန်းအောင်းနေရမယ်၊
အစာအမာတွေမစားရဘဲ ဆန်ပြုတ်ကဲ့သို့ ပျော့တဲ့အစားအစာတွေဘဲစားရမယ်၊
ရေလုံးဝမချိုးရဘူးစတဲ့ အယူအဆတွေကို လူအများစုကျင့်သုံးလေ့ရှိကြပါတယ်…

အဲအယူအဆတွေကရော အကုန်မှန်နေလား…

နေမကောင်းဖြစ်ခဲ့လို့ အင်္ကျီအထူကြီးဝတ်ကာ အခန်းအောင်းပြီးနေမယ်ဆိုပါက ချွေးထွက်လွန်ပြီး အအေးပြန်ပက်စေနိုင်ပါတယ်။ ဒါ့အပြင် အခန်းအောင်းနေရတဲ့အတွက် ထိုင်းမှိုင်းပြီး မအီမသာဖြစ်စေနိုင်ပါတယ်…

ဒါကြောင့် နေမကောင်းဖြစ်ပါက ချည်သားကဲ့သို့သော ပါးပြီးအေးမြတဲ့ အဝတ်အစားတွေကို ရွေးချယ်ဝတ်ဆင်သင့်ပါတယ်။ အခန်းတွေကိုလည်း လေဝင်လေထွက်ကောင်းမွန်အောင် ပြတင်းပေါက်တံခါးများကို သေသေချာချာဖွင့်ထားပေးရပါမယ်…

နေမကောင်းဖြစ်ပြီဆိုရင် လက်ရှိခံစားနေရသော အစာအိမ်နှင့်အူလမ်းကြောင်းရောဂါဝေဒနာရှင်မှအပ တစ်ခြားသူများအနေဖြင့် ဆန်ပြုတ်လိုမျိုးအစာပျော့ပျော့တွေကို သောက်စရာမလိုပါဘူး။ ပုံမှန်စားနေကြ အစားအသောက်တွေကို ကိုယ်ခံအားကောင်းဖို့အတွက် မဖြစ်မနေများများစားသောက်ပေးသင့်ပါတယ်…

အဖျားအလွန်အကျွံတက်လာပါက ရေကိုမြန်မြန်ချိုးပေးခြင်းဖြင့်လည်း အဖျားတက်တာကိုသက်သာစေနိုင်ပါတယ်။ ပုံမှန်အဖျားလောက်ဘဲဆိုရင်တော့ ရေပက်တိုက်တာမျိုးလေးတော့ လုပ်ပေးလို့ရပါတယ်…

အရမ်းအဖျားမကြီးဘဲ လှုပ်ရှားနိုင်လောက်တဲ့အခြေအနေမျိုးရှိတယ်ဆိုရင်တော့ အိပ်ယာထဲမှာ အမြဲနေခြင်းထက် မိမိအလွယ်ကတူလုပ်နိုင်တဲ့ မပြင်းထန်တဲ့လေ့ကျင့်ခန်းတွေလုပ်ပေးခြင်းက ရောဂါကိုပိုမိုသက်သာစေနိုင်ပါတယ်။

ဒါ့အပြင်နေမကောင်းဖြစ်တဲ့သူအနေနဲ့ အာဟာရပြည့်ဝအောင်စားဖို့ လိုတဲ့အတွက်အစားအစာကို ချေးမများဘဲအာဟာရပြည့်ဝအောင် အသားဓာတ်၊ ကစီဓာတ်၊ အဆီဓာတ်နှင့် ဗီတာမင်နှင့်သတ္ထုဓာတ်များပါဝင်အောင် မျှတစွာ စားသုံးသင့်ပါတယ်။

အကယ်၍ အသက်ကြီးသူများ၊ အစားအစာဝင်အောင် မစားနိုင်သူများအနေနဲ့လည်း ဗီတာမင်နှင့်သတ္ထုဓာတ်များပါဝင်သော ဖြည့်စွက်အားဆေးများကိုလည်း ဆရာဝန်နှင့်တိုင်ပင်ပြီး သောက်သုံးနိုင်ပါတယ်…

ဆီးချိုသွေးချိုရောဂါ၊ နှလုံးရောဂါ၊ သွေးတိုးရောဂါများ ရှိသူတွေအနေနဲ့လည်း ဖျားနာပြီဆိုပါက ဆီးချိုတက်နေလား (သွေးတွင်းအချိုဓာတ်မြင့်တက်နေလား)၊ သွေးတိုးတက်နေလားဆိုတာကိုလည်း မကြာခဏစစ်ဆေးပေးသင့်ပါတယ်…

ဒါကြောင့် ကိုယ့်ပတ်ဝန်းကျင်မှာဘဲဖြစ်ဖြစ်၊ မိသားစုထဲမှာဘဲဖြစ်ဖြစ်၊ အပေါင်းအသင်းသူငယ်ချင်းတွေထဲမှာဘဲဖြစ်ဖြစ် ကိုယ်ပူဖျားနာပြီး နေမကောင်းဖြစ်လာခဲ့ရင် အခုလိုအချက်အလက်တွေကို လုပ်ပေးခြင်းအားဖြင့် အမြန်ဆုံးသက်သာပျောက်ကင်းနိုင်တယ်ဆိုတာကို လက်ဆင့်ကမ်း သတင်းပေးလိုက်ကြရအောင်…

#staysafe #stayhome
#covid #healthknowledge
#zifam #CaringforWellbeing